Ionsaí gnéis lena mbaineann drugaí  

Ar tugadh druga(í) dom?

• Má mhothaíonn tú aisteach, tinn nó an-ólta tar éis gan ach cúpla deoch a ól, agus má bhíonn a fhios agat nach mbíonn tú mar sin de ghnáth, tá seans ann gur cuireadh druga isteach i do dheoch.Más mar sin a mhothaíonn tú, téigh láithreach go dtí áit shábháilte.

• Tá sé ráite ag roinnt daoine go bhfuil drugáil mar seo cosúil leis an bhfliú a theacht ort go tobann.

• De thoradh éifeachtaí roinnt drugaí, d’fhéadfadh nach mbeadh a fhios agat gur tugadh duit é nó nach mbeifeá in ann dada a dhéanamh.D’fhéadfadh fadhbanna a bheith agat freisin le do chuimhne.

• Cuimnigh gur féidir drugaí a chur isteach i ndeochanna neamhalcólacha freisin.

• Níl blas ná dath ar na drugaí a úsáidtear cé go gcuirtear dye gorm le ceann amháin acu (Rohypnol).Ní féidir an ruaim ghorm sin a fheiceáil, áfach, go ceann beagnach 20 nóiméad.

• D’fhéadfadh gur ól tú an iomarca nó d’fhéadfadh gur chinn tú féin ar dhrugaí a thógáil.

Céard ba chóir dom a dhéanamh?

• Má cheapann tú go bhfuil seans ann gur spíceáladh do dheoch, abair é le níos mó ná duine amháin mar d’fhéadfadh nach mbeadh a fhios agat cé a spíceáil an deoch.D’fhéadfadh gur duine a bhfuil muinín agat as/aisti a rinne é.

• Má tá tú le strainséir, téigh go dtí an bainisteoir nó an tiarna talún agus abair leo é agus ansin cuir glao ar 999 (nó 112 má tá tú taobh amuigh d’Éirinn).  Mura féidir leat é sin a dhéanamh, téigh isteach sa seomra folctha agus cuir an glas air go dtagann cabhair.

• Ná lig do strainséar i gcás ar bith cabhrú leat ná thú a thabhairt áit ar bith – d’fhéadfadh gurb é an stainséir sin an té a spíceáil do dheoch.

An mbeidh a fhios agam é má éignítear mé?

• Is féidir le drugaí áirithe do chuimhne a bhaint díot.D’fhéadfá dúiseacht agus gan a fhios agat cén chaoi ar tháinig tú go dtí an áit sin ach go mbeadh amhras ort faoi agus go gceapfá gurbh fhéidir gur ionsaíodh thú.
  

• Ní gá go mbeadh aon mharc ar do cholainn mar go bhfágfadh an druga (lena n-áirítear alcól) nach mbeadh aon ghá le foréigean fisiceach.

Céard ba chóir dom a dhéanamh má cheapaim gur tugadh druga dom agus gur éigníodh mé?

• Ba cheart go mbeadh trealamh tástála drugaí (trealamh fianaise luaithe) ar fáil i ngach stáisiún Garda; is féidir leo sin tástáil a dhéanamh le haghaidh roinnt drugaí.

• Má théann tú go dtí na póilíní nó go dtí an t-ospidéal, ní mór duit éileamh orthu tástáil fuail agus fola a thógáil le taispeáint an bhfuil aon cheann de na drugaí a úsáidtear in éigniú ann (tá thart ar 6 nó 7 gcinn acu ann).

• Is féidir leat freisin dul go dtí an tAonad Cóireála um Ionsaí Gnéis is gaire duit le haghaidh scrúdú míochaine agus fóiréinseach.

• Más mian leat an t-éigniú a thuairisciú, is fearr é sin a dhéanamh a luaithe agus is féidir sula bhfágann an fhianaise do cholainn.

• Tá seans ann go mbeadh rian an druga imithe ó do cholainn sula dtagann do chuimhne ar an eachtra ar ais chugat.Ní féidir rian fóiréinseach drugaí a fháil ach sa chéad 48 uair an chloig.

• Má chinneann tú gan an eachtra a thuairisciú chuig na póilíní, téigh go dtí an dochtúir nó go dtí clinic a luaithe agus is féidir ionas go ndéanfar tástáil ort le haghaidh ionfhabhtuithe gnéas-tarchurtha agus toirchis, agus go gcóireálfar aon ghortú fisiceach.

Féadfaidh cuimhní teacht ar ais i bhfoirm spléachtaí siar nó tromluithe seachtainí, míonna nó blianta ina dhiaidh.Is féidir leis sin an-scanradh a chur ort agus d’fhéadfadh tacaíocht a bheith uait má tharlaíonn sé.